"Астон Вилла" ҳужумчиси Маркус Рэшфорд АПЛнинг 30-туридан ўрин олган "Брайтон"га қарши ўйинда янги жамоаси сафидаги дастлабки 6 учрашувда еттинчи голли ҳаракатини амалга оширди.
Эслатиб ўтамиз, форвард бирмингемликларнинг сафарда 3:0 ҳисобидаги ғалабаси билан якунланган ўйинда киритилган биринчи гол муаллифи бўлди.
Бунгача у "Ипсвич," "Ливерпуль," "Челси," "Кристал Пэлас" ва "Брентфорд"га қарши ўйинларда голли узатмаларни амалга оширган.
Қишки трансферлар ойнасига қадар Рэшфорд "Манчестер Юнайтед" шарафини ҳимоя қилган ва 15 та ўйинда 4 та гол урган.
