ОАВ хабарига кўра, "Манчестер Сити" ёзда "Милан"нинг нидерландиялик ярим ҳимоячиси Тиджани Рейндерсни сотиб олишга ҳаракат қилади.
Қайд этилишича, инглизлар учун ярим ҳимоячи билан шартнома имзолаш осон бўлмайди. Аввалроқ, футболчи "Милан" билан меҳнат шартномасини 2030 йилнинг ёзига қадар узайтирганди. Аммо "россонерилар" раҳбарлари, агар футболчининг ўзи жамоани ўзгартириш истагини билдирса ва клубга катта таклиф тушса, Рейндерсни сотиш масаласини кўриб чиқишга тайёр.
Кевин Де Брюйненинг меҳнат шартномаси ёзда якунига етади. Айрим манбаларга кўра, футболчи МЛСга ўтишга қарор қилган. Пеп Гвардиола жамоаси Премьер-лигада бешинчи ўринда бормоқда.
