"Реймс" бош мураббийи Франция кубоги финалида "ПСЖ" билан учрашув ҳақида гапирди.
Турнирнинг ҳал қилувчи баҳси 24 май куни бўлиб ўтади.
"Тўғри, бу мавсумда биз уларга икки марта дош бера олдик (сентябрда 1:1 ва январда 1:1). Кўпчилик автобус ўрнатганимизни айтишди. "Стад де Франс"га трамвай ёки шунга ўхшаш нарсаларни қўйишимиз керак бўлиши мумкин.
Менимча, бу бошқа сайёрадан келган жамоа. Тўғри, “ПСЖ” билан икки марта ўйнадик ва мағлуб бўлмадик. Лекин бу Лига 1'да ҳозирча ҳеч ким тенглаша олмайдиган жамоа. Улар енгиб бўлмас.
Ҳаттоки, еврокубокларда ҳам, “Ливерпул”га қарши ўйинда кўрганимиздек, улар жуда ва жуда кучли", — деди Самба Диавара.
