"Челси"нинг собиқ футболчиси ва устози Руд Гуллит Лондоннинг "Челси" клубидаги вазиятга муносабат билдириб, клуб раҳбариятини бош мураббий - италиялик мутахассис Энцо Марескега ишонишга чақирди.
"Шунча йилдан кейин ҳеч нарса ўзгармади, биз кубокни ютдик, лекин барибир мени ишдан бўшатишди. Ўшанда клуб раҳбариятининг қароридан жуда ҳайратландим, ҳатто таажжубландим. Бугун ҳам кўряпман - ҳеч нарса ўзгаргани йўқ, мураббийларни ишдан бўшатишяпти. "Челси" мен учун жумбоқ бўлиб қолмоқда," - дея Гуллитнинг сўзларини келтиради derbyderbyderby.it.
"Челси" охирги марта 2017 йилда чемпион бўлган.
