Мадриднинг "Реал" ва Лондоннинг "Арсенал" клублари "Реал Сосьедад" ярим ҳимоячиси Мартин Субименди учун курашни давом эттирмоқда.
26 ёшли футболчи "қаймоқранглилар" ва "канонирлар"нинг яқинлашиб келаётган трансферлар давридаги устувор мақсадларидан бири ҳисобланади. Defensa Central хабарига кўра, хавбекнинг ўзи "Реал"га ўтишни афзал кўрмоқда, аммо "Арсенал" келишувни амалга ошириш учун кўпроқ ҳаракат қилаётганини тушунмоқда.
"Transfermarkt" порталида Мартин Субимендининг тахминий нархи 60 млн евро бўлиб, бу унинг шартномасида кўрсатилган товон пули миқдорига яқин.
