Сўнгги пайтларда Криштиану Роналду "Валенсия"ни сотиб олиши мумкинлиги ҳақида миш-мишлар яна авж олди. Бу тахминларга португалиялик форварднинг клубнинг амалдаги хўжайини Петер Лим билан дўстлиги асос бўлди. Бироқ, Лим март ойида Сингапур оммавий ахборот воситалари орқали клуб сотилмайди, деб ишонтирди.
Турли оммавий ахборот воситалари томонидан яратилган бу миш-мишлар ижтимоий тармоқларда фаол тарқалди. Улар Роналду гўёки Саудия қироллик оиласи, хусусан, шаҳзода Муҳаммад бин Салмон ёки ўша давлатнинг инвестиция фондига таяниши мумкинлиги ва клубнинг сотилиши шарти "Валенсия"нинг Ла Лигадаги ўрнини сақлаб қолиш эканлигини тушунтиришди.
Бироқ, маҳаллий ОАВ "Реал"нинг собиқ футболчиси клубни сотиб олиши мумкинлиги ҳақида ҳеч қачон гапирмаган. Гарчи бир вақтнинг ўзида Лимнинг кетиши ҳар қачонгидан ҳам яқинроқ бўлиши мумкин эди.
Ушбу мавзу бўйича сўзлаган биринчи нуфузли манба Жулиан Редондо бўлди. У бепарволик билан Криштиану агар Примерада қолса, “Валенсия”нинг кейинги эгасига айланишини айтди. Бу шунчаки миш-мишлар эмас, янгилик сифатида очиқ ёзган биринчи испан журналисти бўлди.
Эслатиб ўтамиз, “Валенсия” Испания чемпионати турнир жадвалида 31 очко билан 15-ўринда бормоқда.
