"Барселона" президенти Жоан Лапорта ушбу мавсумни жамоа учун ижобий баҳолади.
"Мухлислар "Барса"нинг ҳар бир мусобақада ғалаба қозониш учун курашадиган жамоасига эга бўлган пайтдан завқлансин. Жамоа ҳам юқори сифатли футбол ўйнайди.
Бизда футболчиларни энг яхши тарзда бошқаришни биладиган ажойиб мураббий бор. Унинг ўзи эса асосий таркиб ва захира ўйинчиларига бўлиниш йўқлигини айтади.
Мураббийнинг ҳаммага орзу қилишига рухсат берилиши менга ёқади. Мухлисларимизни орзу қилишда давом этишга чорлайман", деди Лапорта.
Каталонияликлар Ла Лига турнир жадвалида “Реал”дан 3 очко олдинда пешқадамлик қилмоқда. Жамоа Испания кубоги финалида Мадридга, Чемпионлар лигасининг чорак финалида эса “Боруссия”га қарши майдонга тушади.
