"Арсенал" бош мураббийи Микель Артета Кевин Де Брюйне ҳақидаги саволга жавоб берди. Жума куни белгиялик футболчи келаси ёзда "Манчестер Сити"ни тарк этиши маълум бўлди.
"Де Брюйне — Премьер-лиганинг энг яхши ўйинчиларидан бири. Мен ҳеч қачон бундай юқори тезликда ҳаракат қиладиган ўйинчини кўрмаганман", - деди Артета матбуот анжуманида.
Айтиш жоизки, Микель Артета аввалроқ “Манчестер Сити” мураббийлар штабида Кевин Де Брюйне билан бирга ишлаган.
Кевин Де Брюйне "Манчестер Сити"даги ўнинчи мавсумини ўтказмоқда. Бу вақт ичида белгиялик футболчи 413 та ўйин ўтказиб, 106 та гол ва 174 та голли узатмани ҳамкорлари сафида амалга оширган.













