Мюнхеннинг "Бавария" клуби ҳужумчиси Харри Кейн Германия чемпионатининг навбатдаги турида "Аугсбург" устидан қозонилган иродали ғалаба ҳақида фикр билдирди.
"Бавария" муҳим ғалабани қўлга киритди. Ҳисобда ортда қолиб ўйнашга мажбур бўлганимиз учун бизга қийин бўлди. Аммо биз қандай муносабатда бўлганимиз муҳим. Биз ўз характеримизни кўрсатдик. Биз учун энг муҳими уч очко тўплаш эди," - дея инглизнинг сўзларини келтиради Мюнхен грандининг матбуот хизмати.
Эслатиб ўтамиз, учрашув "Бавария"нинг 3:1 ҳисобидаги ғалабаси билан якунланди.
