"Астон Вилла"нинг ҳужумкор ярим ҳимоячиси Морган Роджерс Англия Премьер-лигасининг яна бир вакилининг манфаатлари доирасига тушиб қолди. Бу ҳақда Todofichajes портали журналистлари хабар бермоқда.
Манбага кўра, 22 ёшли футболчини ўз сафига қўшиб олишга "Манчестер Сити" бош мураббийи Пеп Гвардиола қизиқмоқда. Футболчининг трансфер қиймати 50 миллион еврога баҳоланмоқда. Рожерснинг “шерлар” билан амалдаги шартномаси 2030 йилнинг июнь ойи охирида якунига етади.
Англия Премьер-лигасининг жорий сонида Морган 30 та ўйин ўтказди. Қанот ҳужумчиси саккизта гол урди ва олтита голли узатмани амалга оширди.
