Жан Пьеро Гасперини "Аталанта"нинг "Лацио"дан учралган мағлубиятини баҳолади (0:1).

Бергамоликлар А Серияда кетма-кет учинчи мағлубиятга учради.

"Ўйлайманки, жамоа оғир рақибга қарши ишончли ўйнади. Бу ҳолда ўйиннинг боришини акс эттирмайдиган натижага қараб баҳо берилади.

Яна 7 та ўйин қолди. Агар ўша шиддат, руҳ ва натижага эришиш иштиёқи билан ўйнасак, сўнгги учта ўйинда уддалай олмаган ишларимизнинг ўрнини тўлдириш ҳали қўлимиздан келади. Футболда бундай вазиятларни қабул қила олиш ва муносабат билдира олиш керак" - деди "Аталанта" устози.

31 ўйиндан сўнг "Аталанта" пешқадам "Интер"дан 10 очко ортда қолиб, 3-ўринда бормоқда.