"Барселона"нинг машҳур собиқ футболчиси Роналдиньо Мадриднинг "Реал" клуби форварди Килиан Мбаппе ҳақида фикр билдирди.
Ўз вақтида бразилиялик "ПСЖ"да ҳам ўйнаган, шундан сўнг у "Барселона"га кўчиб ўтган ва у ерда фаолиятининг энг яхши йилларини ўтказган.
"Мбаппе - менга ёқадиган замонавий футболчилардан бири. Майдондан ташқарида қилаётган ишларидан ҳам ҳайратланаман. У ажойиб дўст.
"ПСЖ"дан кетганимиздан кейинги йўлларимиз ўхшаш - фарқ фақат клубда. "Реал"да Килиан ривожланишда давом этиши ва ҳозирда унга етишмаётган муҳим нарсани ютиб олиши мумкин," - деди Роналдиньо L’Equipe нашрига берган интервьюсида.
