Бугунги учрашувга Жанубий Кореянинг узоқ-узоқ шаҳарларидан ўзбек мухлислари автобус ва поездларда Сеулга ташриф буюришмоқда.
Ҳозиргина Кореянинг Коже шаҳридан "Самсунг" кемасозлик заводида иш юритаётган 50 нафардан ортиқ мухлислар пойтахтга шаҳрига етиб келишди. Барчаларининг кайфиятлари аъло даражада. Улар ҳозирнинг ўзида миллий терма жамоа мухлислар клубидан футболка ва байроқларни қўлга киритишди.
Кўриб турганингиздек, мухлисларда ўйинга тайёргарлик 100% фоиз. "Барчаси Ватан учун, барчаси ғалаба учун" шиори билан улар "World Cup" стадионга ташриф буюрадилар.
