Эдуардо Камавинга "Арсенал"га қарши ўйин охирида майдондан четлатилди.
"Реал" Чемпионлар Лигаси 1/4 финал дастлабки ўйинида сафарда йирик ҳисобда мағлуб бўлди (0:3).
Иккинчи бўлимга қўшиб берилган 2-дақиқада учрашув бош ҳаками Ирфан Пельто ҳуштагидан кейин Камавинга тўпни норозилик туфайли тепиб юборгани учун иккинчи сариқ карточкани олди ва майдондан четлатилди. "Реал" ярим ҳимоячиси 72-дақиқада илк бор огоҳлантирилганди.
Шу тариқа Камавинга 16 апрель куни "Сантьяго Бернабеу"да бўлиб ўтадиган жавоб ўйинини ўтказиб юборади.













