Лондоннинг "Арсенал" клуби ярим ҳимоячиси Деклан Райс Чемпионлар лигаси чорак финал дастлабки ўйинида Мадриднинг "Реал" клубига қарши баҳсда дубль қайд этди.
Маълум бўлишича, бу Декланнинг катталар фаолиятидаги битта алоҳида ўйиндаги биринчи дубли бўлган. Илгари, агар мавжуд статистик маълумотларга ишонадиган бўлсак, Райс ўзи ўйнаган барча жамоалар учун ҳеч қачон рақиб дарвозасига икки марта гол урмаган.
Эслатиб ўтамиз, ушбу сешанба кунги ўйинда ҳар икки вазиятда ҳам Райс жарима майдони ташқарисидан туриб, Тибо Куртуа дарвозасини ишғол этганди.
