"Челси" ва "Манчестер Юнайтед" клубларининг собиқ ярим ҳимоячиси Неманя Матич ўзи тўп тепган инглиз клублари ўртасидаги фарқни тушунтириб берди.
"Челси"дан кетганимдан кейин ҳис қилган фарқим шунда эдики, Лондон клубида ҳамма нарса натижага ва совринлар ютишга қаратилганди. Бутун клубда шундай кайфият бор эди. Ҳатто ўт ўраётган одамнинг ҳам. "МЮ"га совринларни қўлга киритиш истаги билан келганман. Аммо аста-секин бу ерда асосий мақсад соврин эмаслигини тушуна бошладим. Балки мен ноҳақдирман, лекин менга шундай туюлганди," - дея Матичнинг сўзларини келтиради The Athletic.
