"Chelsi" va "Manchester Yunayted" klublarining sobiq yarim himoyachisi Nemanya Matich o‘zi to‘p tepgan ingliz klublari o‘rtasidagi farqni tushuntirib berdi.
"Chelsi"dan ketganimdan keyin his qilgan farqim shunda ediki, London klubida hamma narsa natijaga va sovrinlar yutishga qaratilgandi. Butun klubda shunday kayfiyat bor edi. Hatto o‘t o‘rayotgan odamning ham. "MYU"ga sovrinlarni qo‘lga kiritish istagi bilan kelganman. Ammo asta-sekin bu yerda asosiy maqsad sovrin emasligini tushuna boshladim. Balki men nohaqdirman, lekin menga shunday tuyulgandi," - deya Matichning so‘zlarini keltiradi The Athletic.
