"Barselona" bosh murabbiyi Hansi Flik Shveysariyaning "Bazel" klubiga qarshi o‘rtoqlik uchrashuvi uchun 24 nafar futbolchidan iborat qaydnomani e’lon qildi. Jamoa tarkibidan Lamin Yamal, Rafinya, Entoni Gordon, Dani Olmo, Pau Kubarsi va Jyul Kunde kabi asosiy futbolchilar o‘rin olgan.
"Barselona"ning qaydnomasi: Joan Garsiya, Alexandro Balde, Alvaro Kortes, Pau Kubarsi, Hamza Abdulkarim, Lamin Yamal, Rafinya, Xavi Espart, Voysex Shesni, Orian Goren, Andreas Kristensen, Fermin Lopes, Karim Adeyemi, Jerar Martin, Entoni Gordon, Dani Olmo, Brian Farinyas, Mark Bernal, Jyul Kunde, Erik Garsiya, Jordi Pesker, Jesse Bisivu, Ebrima Tunkara va Eder Aller.
Pedri va Gavi Shveysariyaga bormadi. Pedri mavsumoldi tayyorgarligini individual dastur asosida davom ettirmoqda, Gavining yuklamalari esa nazorat qilinmoqda. Frenki de Yong va Runi Bardji jarohat sabab qaydnomaga kiritilmagan. Mark Kasado, Ektor Fort, Tommi Markes, Jofre Torrents, Gilye Fernandes va Toni Fernandes ham jamoa bilan safar qilmagan — ularning transfer oynasi yopilguniga qadar klubni tark etishi mumkinligi aytilmoqda.
"Bazel" — "Barselona" uchrashuvi bugun, 16 avgust kuni "Sankt-YAkob Park" stadionida o‘tkaziladi. Bahs Toshkent vaqti bilan soat 19:30 da boshlanadi. Bu kataloniyaliklarning yangi mavsum oldidan so‘nggi o‘rtoqlik o‘yinlaridan biri bo‘ladi.
