Италиянинг “Милан” клубида ижара асосида ўйнаётган “Манчестер Сити” ҳимоячиси Кайл Уокер инглиз клуби билан шартномасини узайтирмайди.
Журналист Фабрицио Романо хабар беришича, "Милан" ҳали футболчи билан нима қилишни ҳал қилмаган. “Россонерилар” янги раҳбариятнинг қарорини кутишмоқда. Шу билан бирга, футболчининг ижара шартномасида уни устувор сотиб олиш варианти мавжуд.
Уокер жорий мавсумда барча клуб мусобақаларида 30 та ўйин ўтказди, бироқ бирорта ҳам гол ура олмади. 34 ёшли футболчининг трансфер қиймати олти миллион еврони ташкил қилади.
