"Манчестер Юнайтед" ҳужумчи Виктор Осимхен учун курашда иштирок этмасликка қарор қилди.
Жорий мавсумни "Галатасарой"да ижарада ўтказаётган "Наполи"нинг 26 ёшли футболчиси яқин трансфер ойнасида сотиб юборилиши эҳтимоли юқори. Нигериялик футболчи учун асосий даъвогарлардан бири "Манчестер Юнайтед" ҳисобланган, аммо клуб бошқа номзодларга эътибор қаратишга қарор қилган кўринади. Man United News нашри тарқатган хабарга кўра "қизил иблислар" раҳбарияти Осимхенни ўз сафига қўшиб олиш фикридан қайтган.
Ҳужумчига ҳамон Лондоннинг "Арсенал" ва "Челси" клублари, шунингдек, Саудия Арабистони чемпионати вакиллари қизиқиш билдирмоқда.













