Жума куни ҳужумчи Муҳаммад Салоҳ "Ливерпуль" билан шартномасини узайтиргани маълум бўлди. Мисрлик билан тузилган янги меҳнат шартномаси 2027 йилнинг ўрталарига мўлжалланган. Жамоа бош мураббийи Арне Слот юлдуз футболчи билан келишувни узайтиришнинг "Ливерпуль" учун яна бир афзаллигини айтди. Нидерландиялик футболчининг фикрича, клуб трансфер ишларидан фойда кўради.

"Бу биз учун фойдали. Агар ўзимни "Ливерпуль" ўз сафига қўшиб олмоқчи бўлган футболчининг ўрнига қўйсам, лойиҳа тақдимоти вақтида Салоҳ шартномани узайтирганини эшитиш менга ёқимли бўларди. Бу ушбу клубнинг қанчалик амбицияга эга эканлигини кўрсатади," - деди Слот матбуот анжуманида.