BILD нашрининг ёзишича, “Бавария” ёзда “Байер”дан Флориан Вирцнинг трансфери учун молиявий таваккал қилишга тайёр. Улар 21 ёшли ярим ҳимоячини қўлга киритиш учун қўлларидан келганини қилишга қарор қилишди.
"Байер" Вирцни камида 150 миллион еврога баҳолайди. "Бавария" ўз маошларини 20 фоизга қисқартиришни режалаштирмоқда, бу эса тахминан 100 миллион еврони тежаш имконини беради. Аммо бу маблағ ҳам етарли бўлмаслиги мумкин, шунинг учун клуб банкдан кредит олиш вариантини кўриб чиқмоқда.
Жорий мавсумда Вирц “Байер” сафида барча турнирларда 39 та ўйин ўтказиб, 15 та гол урди ва 13 та голли узатмани амалга оширди.
