"Манчестер Сити" бош мураббийи Пеп Гвардиола жорий мавсум давомида жамоасини қийнаб келаётган мураккаб кадрлар ҳолати ҳақида гапирди.
"Мавсум давомида тўлиқ таркибга эга бўлмадик. Учта марказий ҳимоячи майдонга тушмади, энг яхши ҳужумчимиз охирги бир-икки ўйингача майдонга тушмади. Бизда тўлиқ таркиб йўқ эди. Бутун мавсум давомида шундай бўлди. Биз мослашяпмиз. Ва бу фалокат деб айтишингиз мумкин эди, лекин бундан ҳам баттарроқ бўлиши мумкин эди", деди мураббий.
Эслатиб ўтамиз, “Манчестер Сити” ҳозирда АПЛ турнир жадвалида олтинчи ўринни эгаллаб турибди. 31 учрашувдан кейин жамоа ҳисобида 52 очко бор.













