"Милан" дарвозабони Мик Меньян А Сериясининг 32-турида "Удинезе"га қарши ўйинда (4:0) жамоадоши Алекс Хименес билан тўқнашиб кетганидан сўнг шифохонага олиб кетилганди. Тўқнашув натижасида франциялик посбон ҳушини йўқотиб, майдонни замбилда тарк этди. Бу ҳақда L’Equipe нашри хабар бермоқда.
"Бугун эрталаб Мик касалхонадан чиқди ва аҳволи яхши. Энди у сешанба кунигача тўлиқ дам олиши керак, яъни текширувларнинг янги босқичи бўлиб ўтади", - деди Италия клуби вакили нашрга.
Жорий мавсумда Меньян "Милан" сафида барча мусобақаларда 45 та ўйин ўтказиб, 52 та гол ўтказиб юборган ва 12 та ўйинда ўз дарвозаси дахлсизлигини сақлаб қолган. Футболчининг амалдаги клуби билан амалдаги меҳнат шартномаси 2026 йилнинг ёзига қадар мўлжалланган. Transfermarkt порталида берилган маълумотларга кўра, 29 ёшли футболчининг бозор қиймати 25 миллион еврони ташкил қилади.
