Ўзбекистон кубоги гуруҳ босқичи 1-туридан ўрин олган "Андижон" – "Сурхон" ўйини 16-апрель санасига режалаштирилганди. Мазкур беллашув Андижон шаҳридаги сиёсий тадбирлар сабаб бир кун кейинга кўчирилди, дея хабар берди лига матбуот хизмати.
15-17-апрель кунлари Давлат раҳбарининг Андижон вилоятига ташрифи режалаштирилганлиги сабабли клубнинг кубок доирасидаги "Сурхон"га қарши беллашуви 17-апрель куни 19:00 га белгиланди.
Ўз навбатида, "Сурхон" жамоасининг Суперлига 6-тури доирасидаги "Навбаҳор"га қарши баҳси 21-апрель куни бўлиб ўтади.
