Испания Ла Лигасининг 31-туридан ўрин олган ўйинда «Алавес» ўз майдонида Мадриднинг «Реал» жамоасини қабул қилди. «Мендисорроса» стадионида бўлиб ўтган беллашувда «қироллик клуби» 1:0 ҳисобида ғалаба қозонди.

Учрашувдаги ягона гол 34-дақиқада қайд этилди — Эдуарду Камавинга мезбонлар дарвозасини ишғол қилди. 38-дақиқада эса мадридликлар ҳужумчиси Килиан Мбаппе қўпол фол учун тўғридан-тўғри қизил карточка олди. Четлатиш VAR орқали тасдиқланди. «Реал» шу тариқа 32 дақиқадан ортиқ вақтни бир киши кам ўтказди.

70-дақиқада «Алавес» футболчиси Мануэль Санчес ҳам майдондан четлатилди — ҳар икки жамоа ўйинни тенг таркибда якунлади.

Бу натижадан сўнг «Алавес» 30 очко билан Ла Лиганинг 17-поғонасида қолмоқда. «Реал Мадрид» эса 66 очко тўплаб, 2-ўринни эгаллаб турибди. Чемпионатдаги пешқадам — 70 очко жамғарган «Барселона».

Испания Ла лигаси, 31-тур
Алавес - Реал Мадрид - 0:1
Гол: 0:1 Камавинга – 34'    
Четлатишлар: Санчес – 70' / Мбаппе – 38'