"Барселона" дарвозабони Марк-Андре тер Штеген жамоадоши Ламин Ямалнинг келажаги ҳақида фикр билдирди.
17 ёшли вингер жорий мавсумда Ханс-Дитер Флик учун алмаштириб бўлмас футболчилардан бирига айланди.
"Ламиннинг олдинда футболдаги кўплаб йиллари бор, аммо у ҳозир шундай ёшдаки, у ўз ҳаракатларининг оқибатини англамаган ҳолда уларни амалга ошириши мумкин. Вақт ўтиши билан у янги эҳтиёжларни топади, у иш ва завқланиш ўртасидаги мувозанатни топиши керак. Унинг учун ҳам атрофини яхши инсонлар билан ўраб олиш муҳим," - дея куздан буён жароҳати сабаб майдонга тушмаётган тер Штегеннинг сўзларини келтиради Barca Universal.
