Мюнхеннинг “Бавария” клуби фахрий президенти Ули Хёнесс клубнинг Томас Мюллер билан шартномани узайтирмаслик ҳақидаги қарори ҳақида гапирди.
35 ёшли фахрий футболчи мавсум якунлангач мюнхенликлар лагерини тарк этади.
"Бавария" раҳбарияти у билан шартномани ортиқ узайтирмасликка қарор қилди.
"Қарорни клуб эмас, Мюллернинг ўзи қабул қилган бўлса яхши. Биз Томасга шартнома узайтирилиши мумкинлиги ҳақида жуда узоқ вақт бердик ва бу бизнинг хатомиз эди.
Спорт раҳбарияти у билан музокара олиб борганида, қарор аллақачон қабул қилинган эди. Томас бунга тайёр эмас эди ва, албатта, у ғазабланди.
Клуб буни бир овоздан қабул қилди", – деди Хёнесс.
