"Реал" вингери Винисиусга Саудия Арабистони клублари қизиқишда давом этмоқда. Бу ҳақда журналист Флориан Плеттенберг хабар бермоқда.
Бразилиялик футболчининг трансфери бўйича Саудия Арабистонида юқори мартабали амалдорлар ўртасида музокаралар давом этмоқда. Мадридликлар бразилиялик вингерга кутилмаган ўринбосар топди.
Клуб "Манчестер Сити" марказий ҳужумчиси Эрлинг Холандни сотиб олмоқчи. Норвегиялик футболчининг трансфери амалга ошса, ҳужумчи сифатида Килиан Мбаппе қанотга ўтади.
Эрлинг Холанднинг меҳнат шартномаси 2034 йилнинг ёзига қадар мўлжалланган. Аммо футболчининг қарорига суднинг "Ман Сити"га қарши 115 та молиявий қоидабузарлик бўйича чиқарган ҳукми таъсир қилиши мумкин.
