"Челси" қанот ҳимоячиси Марк Кукурелья Конференциялар лигаси чорак финалида "Легия"дан учралган жавоб ўйинидаги мағлубият (1:2) ҳақида фикр билдирди.
"Энг муҳими - биз ярим финалдамиз ва финалда ўйнаш учун курашамиз. Бу яхши. Аммо, албатта, ҳар бир ўйинда ғалаба қозонишни истаймиз. Бугун ҳаммаси "Ипсвич" билан ўйинга ўхшаб кетди - яна иккита оддий ўтказиб юборилган ҳужум. Лекин бу ҳақда гапиролмаймиз, баҳона излай олмаймиз. Биз "Челси"миз ва барча ўйинларда ғалаба қозонишимиз керак.
Энди оғир меҳнат қилиб, бир ёқадан бош чиқариб, мавсумни якунлашга тайёргарлик кўриш керак. Олдинда ҳали кўплаб ўйинлар бор. Биз ҳали Чемпионлар Лигаси зонасига киришимиз ва Еврокубокларда ўйинларни давом эттиришимиз мумкин. Бу биз учун энг яхши оқшом эмас, лекин асосийси - биз ярим финалдамиз," - деди Кукурелья.
