"Ливерпуль" ҳужумчиси Дарвин Нуньеснинг келажаги жорий йилнинг февраль ойидан буён ўзгаргани йўқ. 25 ёшли уругвайлик футболчи келаси ёзда клубни тарк этиши кутилмоқда. Бундай маълумотлар билан инсайдер Фабрицио Романо бўлишди.
Манбага кўра, яқин ойларда "Ливерпуль" Нуньес бўйича ҳар қандай таклифларни кўриб чиқади. Қайд этилишича, футболчининг ўзи ҳам фаолиятидаги янги чақириқларга тайёр.
Нуньес жорий мавсумда барча турнирларни ҳисобга олган ҳолда 42 та учрашувда майдонга тушиб, 7 та гол урди ва 7 та голли узатмани ўз ҳисобига ёздириб қўйди.
