"Бавария" бош мураббийи Венсан Компани жамоага қандай муаммолар халақит бераётгани ҳақида гапирди.
"Ҳамма гап тафсилотларда. Бу мавсумда омадимиз келганини айтиш мумкин бўлган ўйинлар кўп бўлмади - эҳтимол, бир ёки икки марта шундай бўлган. Рақиблардан ўйин нуқтайи назаридан доим устун бўлиб келганмиз, аммо футбол - майда деталлардан иборат. Барча турнирларда ғалаба қозониш учун ҳамма нарса бирданига келиши керак. Ҳозирги вазифамиз - Бундеслигада ғолиб чиқиш, кейин эса кейинги мавсумда кубок турнирларида ҳам муваффақият қозониш учун ишлашда давом этамиз," - дея Компанининг сўзларини келтиради Bayern & Germany.
