Уго Гатти 80 ёшида вафот этди.
Аргентина терма жамоасининг собиқ дарвозабони ва футбол мутахассиси кўчада содир бўлган бахтсиз ҳодиса ва сонидаги жарроҳлик амалиётидан сўнг деярли икки ой давомида Аргентинадаги Пировано касалхонасида ётди.
Гатти бутун фаолиятини Аргентинада ўтказган ва бир қатор маҳаллий клубларда, жумладан, "Ривер Плейт" ва "Бока Хуниорс" жамоаларида ўйнаган.
"Бока" таркибида у иккита Либертадорес кубоги ва қитъалараро кубокда, шунингдек, учта Аргентина чемпионатида ғолиб чиқди. У Аргентина терма жамоаси сафида 18 та ўйинда майдонга тушган.
