Рафаэль Леаунинг фикрича, Италия кубогидаги ғалаба "Милан" ёмон мавсумини қутқариб қолиши мумкин.

Чоршанба куни "россонерилар" Италия кубоги ярим финал жавоб ўйинида "Интер"га қарши баҳс олиб боради (биринчи ўйин - 1:1).

"Ғалаба учун боримизни беришимиз, финалга чиқишимиз ва барча мухлисларимизни хурсанд қилишимиз керак. Бу жуда қийин ўтаётган мавсумда муҳим.

Бу дерби, кўп гапиришнинг ҳожати йўқ. Биз ўйинга ғалаба учун тўғри кайфият билан ёндашишимиз ва бу совринни қўлга киритишга қодир эканимизга ишонишимиз керак. Бу мавсумимизни ўзгартириши мумкин бўлган ўта муҳим ўйин. Бу сўнгги имконият," - деди "Милан" вингери.

Мавсум давомида "россонерилар" Италия Суперкубогини қўлга киритган ва "Фейеноорд" (0:1, 1:1) билан ўтиш ўйинларидан сўнг Чемпионлар Лигасини тарк этишганди.

Сержиу Консейсау жамоаси 33-турдан сўнг А Серияда 9-ўринни эгаллаб турибди.