Тиаго Алькантара "Барселона"нинг треблга бўлган амбициялари ҳақида гапирди.
"Требл сўзи мени қўрқитмайди, клуб бунга аввал ҳам эришган. Бу "Барса" каби дунёнинг энг йирик клубларининг мақсади бўлиб қолмоқда.
Бу ҳар бир ўйиннинг мотиви эмас, балки ҳар бир машғулотда ва ҳар дам олиш кунида ўйланадиган нарса”, — деди Каталония клубининг собиқ ярим ҳимоячиси.
"Барселона" Ла Лиганинг 32-туридан кейин 73 очко билан турнир жадвалида пешқадамлик қилмоқда. Ханс-Дитер Флик шогирдлари Испания кубоги финалида “Реал”га, Чемпионлар лигаси ярим финалида “Интер”га қарши майдонга тушади.
