Тезроқ, юқорироқ, кучлироқ! Қозоғистонда 2030 йилгача 40% аҳоли мана шундай ҳаёт тарзига ўтади. Бу ҳақда 24.kz маълумотларига таяниб, sports.kz хабар бермоқда.
Қозоғистоннинг спорт соҳасидаги ютуқлари ва салоҳияти мавзуси пойтахтда бўлиб ўтган МДҲ давлатлари кенгаши йиғилиши дастуридан кенг ўрин эгаллаган. Йиғилишда ҳамдўстлик мамлакатларининг спорт ишлари бўйича рахбарларининг барчаси иштирок этгани айтилмоқда.
"Жумладан, Украина, Беларусь, Арманистон, Қирғизистон ва МДҲнинг бошқа мамлакатлари Қозоғистоннинг нафақат иқтисодий йўналишлардаги, балки спорт соҳасида ҳам эришаётган ютуқларига ҳам қойил қолишмоқда. Йиғилишда сўзга чиққанларни тингловчилар диққат билан тинглаб боришди ", деб ёзади sports.kz. Манбанинг қўшимча қилишича, Қозоғистоннинг жаҳон ареналаридаги иштироки йиғилиш қатнашчилари учун намуна вазифасини ўтаган.
"Халқ ҳаётида янги мақсад ва вазифаларни амалга оширишнинг вақти келди. Биргина сўнгги Лондон-2012 олимпиадасидаги натижаларни оладиган бўлсак, спортчиларимиз ватанимизга 12та медал келтиришди, улардан 7таси юқори пробали. Бу натижа билан мамлакатимиз жаҳоннинг 204 давлати орасида 12-ўринни эгаллади", дейди Қозоғистон спорт ишлари бошқармаси рахбари Ерлан Кожагапанов.