Жейми Варди фаолиятида янги босқичга яқинлашмоқда ва бу Англияда бўлмайди. Июнь ойида шартномаси тугайдиган "Лестер"нинг 38 ёшли ҳужумчиси келажаги борасида бир қарорга келишга шошилмаяпти, аммо клубдаги фаолияти якунига етаётганидан дарак берувчи белгилар тобора кўпайиб бормоқда.

"Тулкилар" Чемпионшипга равона бўлгач, Варди катта эҳтимол билан клуб билан хайрлашади. "Fichajes" нашрининг ёзишича, тажрибали ҳужумчи хориждан келадиган таклифларга очиқ ва Саудия Арабистонига кўчиб ўтиш энг реал вариант бўлиб кўринади. Маҳаллий клублар аллақачон унинг атрофидагилар билан алоқага чиққан ва рад этиш қийин бўлган сахий молиявий таклифни тайёрламоқда.

Саудия Арабистони лигаси юлдуз фахрийларни фаол равишда "овламоқда" ва Варди бу профилга жуда мос келади: тажрибали тўпурар, харизматик етакчи, у ҳали ҳам ўзининг ўйин "учқунини" сақлаб қолган. "Лестер" қайта қурилаётганини ва Варди янги лойиҳада асосий ўйинчи бўлиши даргумонлигини ҳисобга олсак, Саудия Арабистонига ўтиш унинг ёрқин фаолиятининг мантиқий якуни бўлиши мумкин.

Эслатиб ўтамиз, ушбу мавсумда 38 ёшли англиялик футболчи "Лестер" сафида барча мусобақаларда 32 та ўйинда 8 та гол ва 3 та голли узатмани амалга оширди.