Сержиу Консейсау "Милан" билан мавсумдаги иккинчи совринни қўлга киритиши мумкин.
Португалиялик мураббий бошчилигидаги жамоа Италия кубоги ярим финали жавоб ўйинида "Интер"ни 3:0 ҳисобида мағлуб этди (биринчи ўйин - 1:1) ва турнир финалига йўл олди.
Ҳал қилувчи баҳсда "Милан" "Болонья" - "Эмполи" жуфтлиги ғолибига қарши майдонга тушади (биринчи ўйин - 3:0).
Консейсау учун бу "Милан" бошқарувидаги иккинчи финал бўлади. Январь ойида "россонерилар" "Интер"ни мағлуб этиб (3:2) Италия Суперкубогини қўлга киритганди.
"Милан" 2007/08 йилги мавсумдан бери илк марта иккита финалда ўйнайди. Ўшанда Карло Анчелотти бошчилигида клублар ўртасидаги жаҳон чемпионати финалида "Бока Хуниорс"га қарши ва УЕФА Суперкубогида "Севилья"га қарши ўйинда ғалаба қозонган.
