Лондоннинг "Челси" клуби ҳужумчиси Кристофер Нкунку ёзги трансферлар вақтида клубни тарк этиши мумкин.
The Times нашрига маълум бўлишича, ҳужумчи "Челси"даги ҳолатидан норози, шу боис у ёзда фаолиятини давом эттиришнинг барча вариантларини кўриб чиқади. Таъкидланишича, "Челси" ҳозирча ҳужумчини сотиш бўйича якуний қарорга келмаган, аммо клубдагилар у билан хайрлашишга моил.
Эслатиб ўтамиз, Нкунку "Челси"нинг "Фулхэм"га қарши кечган ўйинида қайдномага киритилмаган эди. "Кўклар" бош мураббийи Энцо Маресканинг айтишича, бу унинг қарори бўлган.
Transfermarkt маълумотига кўра, 27 ёшли ҳужумчининг нархи 45 миллион еврога тенг.
