"Борнмут" ҳимоячиси Дин Хесен ёзги трансфер ойнасида анча нуфузли жамоага ўтиши мумкин.

Нуфузли инсайдер Фабрицио Романонинг ижтимоий тармоқларда хабар беришича, 20 ёшли футболчи қаерга кўчиб ўтишини ҳали ҳал қилмаган.

Хейсеннинг вариантлари кўп – “Челси”, “Ливерпуль” ва “Арсенал” уни ўз сафига қўшиб олмоқчи. "Бавария" ҳимоячига январь ойидан бери қизиқмоқда, аммо мюнхенликлар Динни қўлга киритиш учун кимнидир сотиши керак.

"Реал" ҳам ўз навбатида клубга янги марказий ҳимоячи керакми ёки йўқми, ҳали бир қарорга келмаган. Романонинг таъкидлашича, янги клуб Дин Хейсенни 50 миллион фунт стерлингга (тахминан 58,6 миллион евро) сотиб олиш имкониятини фаоллаштиради.