"Манчестер Юнайтед" вингери Амад Диалло жароҳатидан тикланишни якунламоқда.

Ивуарлик футболчи тўпиғидан олган жароҳати туфайли февраль ойи бошидан буён майдонга тушмаяпти. Инсайдер Фабрицио Романонинг маълум қилишича, Диалло кейинги ҳафтадаёқ умумий гуруҳ машғулотларига қайтади. Дастлаб 22 ёшли футболчининг тикланиши мавсум охиригача чўзилиши тахмин қилинганди, бироқ у рекорд даражада қисқа вақт ичида жароҳатини даволанишга муваффақ бўлди.

Амад Диалло жорий мавсумда "Манчестер Юнайтед" сафида 36 та ўйинда 9 та гол ва 8 та голли узатмага муаллифлик қилган.