Лиссабоннинг "Спортинг" клуби ярим ҳимоячиси Мортен Юльман "Арсенал" ва "Тоттенхэм"ни қизиқтириб қолди.
Даниялик футболчига яқин ўтмишда "Манчестер Юнайтед" қизиқиш билдирган. CaughtOffside хабарига кўра, энди хавбекка Англия Премьер-лигасининг бошқа вакиллари - Лондоннинг "Арсенал" ва "Тоттенхэм" клублари даъвогарлик қилмоқда. "Канонирлар" ва "шпорлар" яқин трансферлар даврида 25 ёшли футболчи учун кураш олиб боришади.
Мортен Юльманн жорий мавсум "Спортинг" сафида жами 43 та ўйинда майдонга тушди ва ўз ҳисобига 3 та гол ҳамда 2 та голли узатма ёздириб қўйишга эришди. Transfermarkt портали "шерлар" сардорининг нархини 45 млн еврога баҳоламоқда.













