"Барселона"нинг германиялик дарвозабони Марк-Андре тер Штеген жароҳатидан фориғ бўлди. Дарвозабон "кўк-анорранглилар"нинг Испания кубоги финалида "Реал"га қарши ўйин қайдномасига киритилган. Бу ҳақда Каталония топ-клуби матбуот хизмати хабар тарқатди.

Тер Штеген тиззасидан олган жароҳати туфайли ўтган йилнинг кузидан буён "Барселона" ўйинларида иштирок этмаётганди. Дарвозабоннинг каталонияликлар билан шартномаси 2028 йилнинг ярмигача мўлжалланган. Унинг трансфер нархи 15 миллион еврога баҳоланмоқда.

"Барселона"нинг "Реал"га қарши ўйини эртага, 26 апрель куни Севилядаги стадионда бўлиб ўтади. Учрашув бош ҳакамининг бошланғич ҳуштаги Тошкент вақти билан 01:00 да янграйди.