"Barselona"ning germaniyalik darvozaboni Mark-Andre ter Shtegen jarohatidan forig‘ bo‘ldi. Darvozabon "ko‘k-anorranglilar"ning Ispaniya kubogi finalida "Real"ga qarshi o‘yin qaydnomasiga kiritilgan. Bu haqda Kataloniya top-klubi matbuot xizmati xabar tarqatdi.
Ter Shtegen tizzasidan olgan jarohati tufayli o‘tgan yilning kuzidan buyon "Barselona" o‘yinlarida ishtirok etmayotgandi. Darvozabonning kataloniyaliklar bilan shartnomasi 2028 yilning yarmigacha mo‘ljallangan. Uning transfer narxi 15 million yevroga baholanmoqda.
"Barselona"ning "Real"ga qarshi o‘yini ertaga, 26 aprel kuni Sevilyadagi stadionda bo‘lib o‘tadi. Uchrashuv bosh hakamining boshlang‘ich hushtagi Toshkent vaqti bilan 01:00 da yangraydi.
