"Реал" Испания кубоги финалини бойкот қилмоқчи бўлганини рад этди.
"Сўнгги бир неча соат ичида пайдо бўлган миш-мишлар туфайли "Реал" жамоамиз ҳеч қачон эртанги финалда иштирок этишдан бош тортиш имкониятини кўриб чиқмаганини маълум қилади.
Клубимиз ушбу ўйинга тайинланган ҳакамларнинг финалдан бир кун олдин айтган ачинарли ва ноўрин баёнотлари юз миллионлаб одамлар томоша қиладиган жаҳон миқёсидаги спорт тадбирига соя сола олмаслигини яхши тушунади.
Шунингдек, Севильяга боришни режалаштираётган ва Андалусия пойтахтида бўлиб турган барча мухлисларга ҳурмат билан қараймиз.
"Реал" финалга тайинланган ҳакамлар бугун яна бир бор клубимизга нисбатан кўрсатган душманлик ва адоватга қарамай, футбол қадриятлари устун бўлиши кераклигини тушунади," - дейилади "Реал" баёнотида.
