"Манчестер Юнайтед" ва Франция терма жамоаси собиқ футболчиси Патрис Эвра аралаш яккакурашлардаги (ММА) фаолиятини бошлайди. 43 ёшли француз илк жангини 23 май, жума куни Парижда ўтказади. Эврага ким рақиб бўлиши Professional Fighters League жанг ташкилоти томонидан ҳозирча маълум қилинмаган.
Патрис Эвра аллақачон Луис Суарес билан жанг қилиш истагини билдирган. Ўз вақтида француз ва уругвайлик ўртасида низо бўлган.
Эслатиб ўтамиз, Патрис Эвра футболчилик фаолиятини 2019 йилда якунлаган. Француз бир қатор жамоаларда, жумладан, "Манчестер Юнайтед," "Ювентус" ва "Вест Хэм"да ўйнаган.
