Италиянинг "Парма" клуби ҳужумчиси Анж-Йоан Бонни Англиянинг "Ноттингем Форест" клуби қизиқишлари доирасига тушиб қолди. Бу ҳақда журналист Фабрицио Романо хабар бермоқда.
Романонинг маълумотига кўра, "Ноттингем" анчадан бери ушбу марказий ҳужумчининг ўйинларини кузатиб келмоқда. "Ўрмончилар" вакиллари қишдаёқ Бонни билан шартнома имзоламоқчи эди. Энди француз учун пойгага А Сериянинг бир нечта номи ошкор этилмаган жамоалари қўшилди.
21 ёшли Бонни мавсумда 33 та учрашувда қатнашиб, 6 та гол урди ва 3 та голли узатмани амалга оширди.













