Шанба куни "Селтик" расман Шотландия Премьер-лигаси чемпионлигини қўлга киритди.
“Яшил-оқлар” “Данди Юнайтед”ни меҳмонда 5:0 ҳисобида мағлуб этиб, иккинчи ўриндаги “Рейнжерс” билан фарқни сезиларли даражага мустаҳкамлаб қўйди.
Натижада “Селтик” Шотландия футболидаги “Рейнжерс”нинг ажойиб рекордини такрорлади. Ҳозирда ҳар икки клуб ҳам ўз тарихида 55 та чемпионликка эга. Эслатиб ўтамиз, “Селтик” сўнгги 14 мавсумда 13 марта Шотландия Премьер-лигаси чемпионлигини қўлга киритган.
2020/2021 йилги мавсум бундан мустасно эди, ўшанда “Рейнжерс” “Ливерпуль” афсонаси Стивен Жеррард бошчилигида чемпионликни қўлга киритганди.
