Shanba kuni "Seltik" rasman Shotlandiya Premyer-ligasi chempionligini qo‘lga kiritdi.
“Yashil-oqlar” “Dandi Yunayted”ni mehmonda 5:0 hisobida mag‘lub etib, ikkinchi o‘rindagi “Reynjers” bilan farqni sezilarli darajaga mustahkamlab qo‘ydi.
Natijada “Seltik” Shotlandiya futbolidagi “Reynjers”ning ajoyib rekordini takrorladi. Hozirda har ikki klub ham o‘z tarixida 55 ta chempionlikka ega. Eslatib o‘tamiz, “Seltik” so‘nggi 14 mavsumda 13 marta Shotlandiya Premyer-ligasi chempionligini qo‘lga kiritgan.
2020/2021 yilgi mavsum bundan mustasno edi, o‘shanda “Reynjers” “Liverpul” afsonasi Stiven Jerrard boshchiligida chempionlikni qo‘lga kiritgandi.
