Мадриднинг "Реал" клуби ўйинчилари Лукас Васкес ва Жуд Беллингем Каталониянинг "Барселона" жамоаси билан бўлган Испания кубоги финалидан сўнг қизил карточка олишди.
Cadena Ser журналистлари маълумотига кўра, учрашув бош ҳакамига нисбатан ўзларини ёмон тутганликлари учун футболчилар камида 2 та ўйинга дисквалификация қилиниши мумкин.
Эслатиб ўтамиз, "Барселона" ва "Реал" ўртасидаги Қирол кубоги финал учрашуви Севильядаги стадионда бўлиб ўтганди. Ўйиннинг асосий вақти 2:2 ҳисобида дуранг билан якунланди. Қўшимча вақтда "кўк-анорранглилар" рақибини ортда қолдириб, 3:2 ҳисобида ғалаба қозонишди. Ҳал қилувчи голни франциялик ҳимоячи Жюль Кунде урди.
